SAHAR

Sergey Kupirkin: Rusiya Qarabağ ermənilərinin taleyi məsələsində etinasız deyil

Rusiya Federasiyasının Ermənistandakı səfiri Qarabağda yaranmış vəziyyətə münasibət bildirib.

Sergey Kupirkin bildirib ki, Dağlıq Qarabağın taleyinin necə olacağı, Qarabağ ermənilərinin taleyinin necə formalaşacağı Rusiyanı çox maraqlandırır.

“Sputnik Armeniya”ya müsahibəsində bu məqama toxunan diplomat qeyd edib ki, Rusiya erməni əhalisinin orada özlərini rahat və təhlükəsiz hiss etməsini çox vacib sayır. Və bu, orada yerləşdirilən sülhməramlı kontingentin əsas məqsədidir.

Kopirkinin fikrincə, sülh o zaman davam edə bilər ki, münaqişə tərəfləri sülh sazişinə əsaslanan sazişi ədalətli qəbul etsinlər. Və Rusiya heç kəsi məcbur etməyəcək.