Azərbaycanla sülh prosesində həlledici məqam;
Konstitusiyanın dəyişdirilməsi məsələsi Ermənistanda mübahisə doğurub
Konstitusiyanın dəyişdirilməsi məsələsi Ermənistanda qızğın mübahisələrə səbəb olub.
Baş nazir Nikol Paşinyan konstitusiyadan 1990-cı il Müstəqillik Bəyannaməsinə dair müddəaların çıxarılmasını tələb etsə də, müxalifət bunun Azərbaycanın tələblərinə uyğun plan olduğunu düşünür.
Ermənistan Konstitusiyasında ölkənin 1990-cı il Müstəqillik Bəyannaməsinə istinad edilir.
Sözü gedən bəyannamədə Sovet Ermənistanı ilə Azərbaycanın keçmiş Dağlıq Qarabağ Muxtar Vilayətinin birləşdirilməsinə dair 1989-cu il aktına istinad olunub.
Paşinyan ötən həftə bir daha indiki konstitusiyanı tənqid etmiş və bildirmişdi ki, bu müddəalar konstitusiyada qaldıqca Ermənistan və Azərbaycan arasında heç vaxt sülh olmyacaq.
