Bu, Rusiyanın Azərbaycanda hərbi varlığını davam etdirməsi üçün lazımdır
Zaxarova: Moskva və Bakı Qarabağ ermənilərinin qayıdışını da müzakirə edirlər
Fev 15, 2024 12:53 Asia/Baku
Rusiya Xarici İşlər Nazirliyinin rəsmi nümayəndəsi bildirib ki, Moskva və Bakı Qarabağ ermənilərinin qayıdışının perspektivlərini müzakirə edirlər.
Mariya Zaxarova brifinq zamanı deyib: “Ermənilərin qayıdışı onların hüquq və təhlükəsizliyinin etibarlı qorunması şəraitində həyata keçirilməlidir”.
Zaxarova bunu da qeyd edib ki, Bakı və Moskva Dağlıq Qarabağda birgə patrul xidmətinin təşkilini müzakirə edirlər.
Rusiya XİN-nin nümayəndəsi həmçinin bildirib ki, Rusiya sülhməramlı kontingentinin Azərbaycanın Qarabağ regionundakı fəaliyyətinin müzakirələri müntəzəm və konstruktiv xarakter daşıyır.
