Rəsmi İrəvan Qərbin təhriki ilə Rusiyanın çağırışlarına yox deyir
Ermənistan KTMT-nin iclasına qatılmayacaq
İyun 20, 2024 19:30 Asia/Baku
Ermənistanın xarici işlər naziri Ararat Mirzoyan KTMT XİN Şurasının Almatıda keçiriləcək iclasında iştirak etməyəcək.
Armenpress Ermənistan XİN-in mətbuat katibi Ani Badalyana istinadla bu məlumatı yayıb.
Qeyd edək ki, iyunun 21-də Almatıda Qazaxıstan baş nazirinin müavini - xarici işlər naziri Murad Nurtleunun sədrliyi ilə Kollektiv Təhlükəsizlik Müqaviləsi Təşkilatı (KTMT) Xarici İşlər Nazirləri Şurasının iclası keçiriləcək.
Görüşün yekununda KTMT-nin fəaliyyətinin daha da təkmilləşdirilməsinə yönəlmiş sənədlərin imzalanacağı, bir sıra siyasi bəyanatların qəbul ediləcəyi gözlənilir.
Qeyd edək ki, baş nazir Nikol Paşinyan fevralda İrəvanın təşkilatda iştirakının “dondurulduğunu” elan etmişdir.
