Rusiya Prezidenti Vladimir Putin bu gün Ukrayna qüvvələrinin geri çəkilməsindən sonra ilk dəfə olaraq Kursk bölgəsinə səfər edib. Prezident bölgədə fəaliyyət göstərən könüllü təşkilatlarla görüşüb və Kursk-2 atom elektrik stansiyasına baş çəkib.

Putin qeyd edib: “Biz çətin bir dövrdən keçirik və bu çətinliklər hələ də bitməyib. Bəli, düşmən Kursk bölgəsindən çıxarılıb, amma bəziləri hələ də yeraltı sığınacaqlarda və gizli yerlərdə gizlənir. Eləcə də iki-üç nəfərlik qruplar halında meşələrdə gizlənmiş vəziyyətdədirlər.”