Ermənistanla İsrail arasında yaxınlaşma;
Erməni rəsmi Təl-Əvivdə mühüm görüşlər keçirib
Ermənistan xarici işlər nazirinin müavini Vahan Kostanyan işğalçı rejimlə münasibətlərdə yeni səhifənin açılması imkanlarını araşdırmaq məqsədi ilə İsrailə gedib.
Israel National News portalı xəbər verir: Masa üzərində olan əsas təşəbbüslərindən biri TRIPP layihəsi olub.
Diplomatik mənbə İsrail və Ermənistan arasında münasibətləri yaxşılaşdırmaq barədə deyib ki, “İsrail bunu İranla strateji əlaqələri olan Ermənistanla mötədil yaxınlaşma fürsəti kimi görür”.
İsrail rejimi Ermənistanda yəhudilərin dini həyatının sərbəst şəkildə həyata keçirildiyini, hakimiyyətin onlara qarşı düşmənçilik siyasəti aparmadığını vurğulayırlar.
Mənbənin sözlərinə görə, regional arenada Ermənistanın İranla əlaqələri onun İsrail ilə münasibətlərində mərkəzi amil olmaqda davam edir.
İddia edilir ki, İran guya sanksiyalardan yan keçmək üçün Ermənistandan mal və avadanlıqların daşınması üçün dəhliz kimi istifadə edir. Ona görə də Tehranla münasibətlərində həssaslıq İsrail-Ermənistan münasibətlərində mühüm amil olaraq qalır”.
Sonda qeyd olunur ki, İsrail Ermənistanda daha geniş iqtisadi və regional layihələri həyata keçirməkdə maraqlıdır.
