SAHAR

İraq Daxili İşlər Nazirliyinin sözçüsü Bağdadda partlayış aktının zərərsizləşdirildiyini və 30 terrorçunun öldürüldüyünü bildirib.

Səhər Beynəlxalq Televiziyasının əl-Məyadin telekanalına istinadla verdiyi məlumata görə, İraq Daxili İşlər Nazirliyinin sözçüsü Səəd Məən deyib: İraq ordusu Hərbi Hava Qüvvələrinin qırıcı təyyarələri Fəllucədən Bağdad istiqamətində doğru hərəkət edən 30 kamikadzeni Bağdada çatmazdan öncə məhv ediblər.
Məən əlavə edib: İraq ordusu həmçinin Kərkükün qərbində əl-Həvicə şəhərində İŞİD terror qruplaşmasının bir neçə mövqeyini və bu mövqelərdəki terrorçunarı məhv edib.
Həmçinin İraq Müdafiə Nazirliyi bir bəyanatda ordunun Hərbi Hava Qüvvələrinin Mosulun şərqində terrorçuların mövqelərinə hava hücumunda 9 terrorçunun öldürüldüyünü bildirib. Bu hücumda onlarla terrorçu da yaralanıb.