SAHAR

Suriya ordusunun müxtəlif bölgələrdə keçirdiyi əməliyyatlarda onlarla terrorçu öldürülüb.

Səhər Beynəlxalq Televiziyasının əl-Aləm telekanalına istinadla verdiyi məlumata görə, Suriya ordusu qüvvələri xalq qüvvələrinin əməkdaşlığı ilə İŞİD terrorçuları ilə toqquşduqdan və 40 terrorçunu öldürdükdən sonra Həskə şəhərində şərqi və qərbi Qəviran məhəlləsinə nəzarəti ələ keçiriblər.
Bu əməliyyatdan sonra çoxlu sayda terrorçu Qəviran məhəlləsinin şərqində əl-Filat əl-Həmr məhəlləsinə doğru qaçmağa məcbur olub.
Suriya ordusu da ön cəbhədə mövqelər quraraq əl-Nəşvə məhəlləsinin tam şəkildə terrorçulardan azad olunması məqsədilə ikinci hərbi əməliyyatın icrasına şərait yaratmağa başlayıb.
Suriya ordusu şimal vilayətlərdə, o cümlədən Hələb və Həmada terrorçu qruplaşmaların bazalarını top atəşinə tutublar.
Həma və İdlibin ətrafinda təkfirçi qruplaşmaların yerləşdiyi məkanlar da Suriya qırıcı təyyarələri tərəfindən atəşə tutulub. Bu çərçivədə Suriya qırıcıları Mərə əl-Nəman və Kəfər Əvid şəhərləri, eləcə də Həmada Qəbr Fizzə kəndini bombalayıblar.
Homsda da ordu şimal tərəfdə əl-Nüsrə Cəbhəsi terror qruplaşması və şərqdə isə İŞİD terror qruplaşmasına qarşı hərbi əməliyyatını davam etdirir.
Bu məlumata görə, Suriya ordusu Homsun şimal hissəsində çoxlu sayda terrorçu öldürülüb.
Suriya ordusu həmçinin ölkənin cənubunda Tələ Bəsniyə məntəqəsində terrorçu qruplaşmalara hücum edib və onlara ağır xəsarətlər vurub. Nəticədə əl-Süveydanın müxtəlif bölgələrində toqquşmalarda onlarla terrorçu məhv edilib.
Həmçinin Suriya ordusu qüvvələri Dəra şəhərinin qərbində Təsil şəhərciyində əl-Nüsrə Cəbhəsi terror qruplaşmasının bomba quraşdırmaq üzrə məsulu Əbu Əbud əl-Dirini öldürüblər.