SAHAR

Kürdüstan Fəhlə Partiyası PKK tərəfdarları Türkiyənin cənub-şərqində aksiya keçiriblər.

Səhər Beynəlxalq Televiziyasının Anadolu İnformasiya Agentliyinə istinadla verdiyi məlumata görə, Mardin vilayətində PKK tərəfdarları anti-üsyan polis məmurlarına doğru daş və əllə hazırlanan qumbaralar ataraq onlarla toqquşublar.
PKK tərəfdarları Türkiyə qırıcılarının İraqda bu partiya üzvlərinə hücumlarını pisləyib və polis də gözyaşardıcı qazdan istifadə etməklə aksiyanı dağıtmağa başlayıb.
PKK tərəfdarları Mardində iki avtomat-bank köşkünü və bir polis avtomobilini yandırıblar. Lakin bu aksiyada baş verən qarşıdurmada kimsə yaralanmayıb.
Türkiyənin Hərbi Hava Qüvvələri cümə gecə İraqın şimalında PKK-nın bir neçə düşərgəsini bombalayıblar.
Bu hücumların ardınca, PKK Türkiyə hökuməti ilə elan olunan atəşkəsin sonundan xəbər verib.
Bundan öncə Türkiyənin anti-terror polisi cümə günü İŞİD terror qruplaşması və PKK üzvlərinin olmasında şübhəli bilinən İstanbul şəhərində 100-dən çox məkana hücum etmişdi.
Türkiyə baş naziri bildirib ki, bu əməliyyatda ən azı 251 nəfər həbs olunub.