SAHAR

Bəhreyn mənbəlri məhbuslar tərəfindən onlara qarşı qeyri qanuni rəftarların artması və məhbusların qanuni hüquqlarından məhrum edilməsi ilə bağlı daxil olan şikayətlərin sayının artdığını bildirirlər.

Əl-Aləm kanalının məlumatına görə, Bəhreyndə məhkəmə işləri mərkəzində zindan və təcridxanalara nəzarət idarəsinin müdiri Həməd Təqi çərşənbə günü bildirib ki, bu mərkəz 2014-cü ilin may ayının birindən 2015-ci ilin aprel ayının sonuna qədər 128 şikayət ərizəsi və 589 yardım çağırışı alıb. Bu isə öncəki dövr ilə müqayisədə 375%-lik bir artım deməkdir.

H.Təqi şikayətlərin əsasən Cəv zindanında saxlanılan məhbuslara aid olduğunu bildirib və deyib: Bu şikayətlər zindan işçilərinin pis və insanlığa yaraşmayan rəftarları, qeyri-peşəkar davranışlar və məhbusların təhqir edilməsi barədədir.

Bəhreyn 2011-ci ildən bəri Ali-Xəlifə rejiminə qarşı xalq etirazlarının şahididir. İndiyə kimi yüzlərlə nəfər hakim rejim tərəfindən həbs edilərək, zindanlara salınıb, onlarla nəfər isə öldürülüb.