Mosulda partlayış onlarla nəfərin ölməsi və yaralanması ilə nəticələnib
Dek 03, 2016 19:18 Asia/Baku
İraqın şimalında yerləşən Mosulda terror aktı nəticəsində onlarla iraqlı sivil həlak olub və yaralanıb.
İRNA-nın məlumatına görə, İŞİD terrorçuları bu gün Mosulun əl-Qadisiyyə məhəlləsində bomba quraşdırılmış tankeri partladıblar. Nəticədə azı 24 sivil həyatını itirib.
Mosulun şərqində əl-Qadisiyyə məhəlləsi son vaxtlar İŞİD terror qruplaşmasının işğalından azad olunub.
İraqın şimalında Neynəva vilayətinin Mosul şəhərinin İŞİD terror qruplaşmasının işğalından azad edilməsi əməliyyatı 17 oktyabrda başlanıb və davam edir.
