SAHAR

İraq ordusunun təhlükəsizlik qüvvələri İŞİD terror qruplaşmasının partlayıcı qurğular istehsal edən 6 sexi və 10 mindən çox müxtəlif bomba, partlayıcı qurğu və minaatan mərmisini aşkarlayaraq götürüblər.

İRİB-in məlumatına görə, İraq ordusunun təhlükəsizlik qüvvələri həmçinin Mosul şəhərinin Kökcəli rayonunun Bazvaya məntəqəsində terrorçulara aid partlayıcı qurğular istehsal edən sexləri aşkarlayıblar.

İŞİD terror qruplaşması partlayıcı qurğuları prospektlərdə və ictimai mərkəzlərdə yerləşdirirmişlər.

İraqda müharibə məsələləri üzrə informasiya portalı da bildirib: İraq ordusunun Hərbi Hava Qüvvələri təyyarələrinin Mosulun qərb istiqamətində Təl Əl-Zült bölgəsində İŞİD terrorçularının mövqelərinə hücumunda 8 terrorçu öldürülüb, 13 terrorçunun yerləşdiyi bir mövqe məhv edilib.

Başqa bir məlumata görə, İraqın könüllü xalq qüvvələri Mosulun cənub-qərb istiqamətində İŞİD-in 30 terrorçunu öldürüb, onlara aid 7 avtomobili məhv ediblər.

İraqın Müharibə Təbliğatı Qərargahının məlumatına görə, İraq qüvvələri Neynəva vilayəti polis mərkəzinə bağlı polis institutu və avtomobil sənədlərinin qeydiyyat idarəsini İŞİD terrorçularının işğalından azad ediblər.

Mosul şəhərinin İŞİD terror qruplaşmasının işğalından azad olunması əməliyyatı 2016-cı il 17 oktyabrdan İraq Ali Baş Komandanı Heydər əl-İbadinin fərmanı ilə başlanıb.