Səudiyyə Ərəbistanı qırıcıları Yəmənə hava hücumları edib
-
Səudiyyə Ərəbistanı qırıcıları Yəmənə hava hücumları edib
Səudiyyə Ərəbistanı qırıcı təyyarələrinin Yəmən paytaxtı Sənanın qərbində Həmiyyə Daxiliyyə şəhərinin Bəni Yusif bölgəsinə hücumunda doqquz nəfər həlak olub, dörd nəfər də yaralanıb.
Əl-Aləm televiziyasının məlumatına görə, səudiyyəli təcavüzkar qırıcı təyyarələr Yəmənin şimalında Sədə vilayətinin Heydan şəhərində Məran bölgəsini də atəşə tutublar.
Yəmən ordusu və xalq qüvvələri də səudiyyəli təcavüzkarların təcavüzünə reaksiyada Əsirin Məlhə və əl-Şəbəkə bölgələrində Ərəbistan ordusunun mövqelərini atəşə tutublar.
Yəmən qüvvələri həmçinin Nehəm şəhərinin İydə bölgəsində Ərəbistanın 6 muzdlusunu məhv ediblər.
Yəmən ordusu və xalq qüvvələrinin ağır artilleriyası da Təiz vilayətinin əl-Kəlabə və əl-Şamisi bölgələrində səudiyyəli muzdluların toplandığı məkanı atəşə tutublar.
Ərəbistan 2015-ci il mart ayından Yəmənin istefa vermiş prezidenti Əbdrəbbə Mənsur Hadini iqtidara qaytarmaq məqsədilə bu ölkəyə hücumlara başlayıb. Bu hücumlarda indiyə qədər təxminən 40 min yəmənli həlak olub və yaralanıb.
