SAHAR

Rəzəvi Xorasanı vilayətinin Həcc və Ziyarət Təşkilatının baş direktoru Kərbəla şəhərində iranlı zəvvarların qaldığı oteldə yanğının baş verdiyini bildirib.

Cavad Şad bazar günü İRNA-ya müsahibəsində əlavə edib: Şənbə günü Kərbəlada iranlı zəvvarların qaldığı oteldə baş verən yanğında beş iranlı dünyasını dəyişib və iki nəfərdə ağır yanıq xəsarətləri alıb. 

Şad bildirib: İranlı zəvvarların qaldığı otel standartlara cavab vermirmiş və lazımi təhlükəsizlik olmayıb. 

Rəzəvi Xorasanı vilayətinin Həcc və Ziyarət Təşkilatının baş direktoru həmçinin deyib: İranlı zəvvarların kimliklərini əks etdirən sənədlər və çamadanlarının yandığını nəzərə alaraq, onların kimliyinin müəyyənləşməsi üçün araşdırma aparılır.