SAHAR

İraq qırıcı təyyarələri ötən fevral ayındakı hücuma bənzər əməliyyatda Suriyanın əl-Məyadin bölgəsində İŞİD terror qruplaşmasının mövqelərini bombalayıblar.

İRİB-in məlumatına görə, İraq Daxili İşlər Nazirliyi çərşənbə axşamı günü bir bəyanatda bildirib: İraq qırıcı təyyarələri Suriyanın əl-Məyadin bölgəsində İŞİD terror qruplaşmasının altı mövqeyini atəşə tutub. Nəticədə üç bomba quraşdırılmış avtomobil partlayıb, hərbi təchizat və partlayıcı kəmərlər olan anbar partlayıb və onlarla İŞİD-çi ölüb. 

İraq DİN bu bəyanatda bu əməliyyatın nə vaxt keçirildiyinə toxunmayıb.