Ali-Xəlifə rejiminin təhlükəsizlik məmurları Bəhreynin Cəvv mərkəzi həbsxanasında Əba Əbdillahil-Hüseyn (ə) əzadarlı mərasimini keçirən məhbusları döyüblər.

Rəsa Xəbər Agentliyinin məlumatına görə, Cəvv mərkəzi həbsxanasının məmurları bildiriblər ki, həbsxanada istənilən əzadarlıq mərasiminin keçirilməsi qadağandır və bu mərasimdə iştirak edənlər cəzalandırılacaqlar.

Bu arada Bəhreynin əl-Məamir bölgəsinin sakinləri Məhərrəm ayı əzadarlıq bayraqlarını endirməyə cəhd edən Ali-Xəlifə rejimi təhlükəsizlik məmurlarına müqavimət göstəriblər.

Ali-Xəlifə hərbçiləri bu hücumda polis itlərindən istifadə edib və əzadarlara doğru gözyaşardıcı qazlardan istifadə ediblər. Nəticədə bir qrup Bəhreyn vətəndaşı boğulma ilə üzləşib.