Aşura mərasimləri Suriyanın paytaxtı Dəməşq şəhərində, Həzrət Zeynəb(s.ə.) və Həzrət Ruqəyyə(s.ə)-nın pak hərəmlərində keçirilib.

Bu mərasimlərdə bir qrup Suriya vətəndaşı, eləcə də İraq, Livan, Əfqanıstan, Pakistan, Bəhreyn və digər islami ölkələrdən olan hərəm müdafiəçisi iştirak edib.

Hüseyn əzadarları bu mərasimlərdə Peyğəmbər(s.ə.s.) xanədanının və onların köməkçilərinin müsibətləri ilə bağlı göz yaşları axıdıblar.

Hüseyn əzadarları həmçinin əzadarlıq və məqtəlxanlıq mərasimindən sonra Həzrət İmam Hüseyn(ə)-ın Aşura namazının xatirəsinə günorta namazını camaat namazı kimi qılıblar.

Suriya paytaxtının şiə sakinli məhəlləsində də günorta və ikindi namazlarından sonra məqtəlxanlıq mərasimi keçirilib.