SAHAR

İraq Kürdüstanının başçısı Məsud Barizaninin vəzifədən kənarlaşmasından sonra onun qardaşı oğlu Nəçiruan Barizani Ərbillə Mərkəzi hökumət arasında müzakirələrin məsuliyyətini öz üzərinə götürüb.

Məsud Barzaninin İraq Kürdüstanına 12 illik başçılıq dövrü dünən rəsmən sona çatıb və o bölgənin idarə edilməsi ofisini tərk edib. 

Məsud Barzani öncə yerli parlamentə məktub ünvanlayaraq artıq bu vəzifədə qalmaq niyyətində olmadığını bildirmişdi. 

Məsud Barzani ilk dəfə 2005-ci ildə İraq Kürdüstanı parlamenti, ikinci dəfə isə 2009-cu ildə bir başa səs toplayaraq bu vəzifəyə təyin olunmuşdu. 

Barzaninin İraq Kürdüstanına başçılıq müddəti 2013-cü ildə sona çatmalı idi, ancaq bölgənin vətəndaş birliyi partiyasından olan nümayəndələri və Demokrat Partiyası 2013-cü il iyun ayında parlamentin iclasında başçının təyin olunması üçün seçkilərin və referendumun iki il təxirə salınması barədə qərar qəbul etdilər. 

İraq Kürdüstanının yerli parlamenti bazar günü bölgəyə rəhbərliyin səlahiyyətlərini yerli hökumət, parlament və məhkəmə aparatı arasında bölüşdürməklə razılaşdı. 

Məsud Barzani bölgənin başçılığından kənara çəkildiyini bildirdikdən sonra iddia etdi ki, Mərkəzi hökumət referendumu Kürdüstana hücum üçün bəhanəyə çevirib. 

Məsud Barzani həmçinin iddia etdi ki, Referendumun keçirilməsində məqsəd Ərbilin Bağdadla olan problemlərinin dinc həll edilməsindən ibarət olub. 

İraq Kürdüstanının ayrılması üzrə referendum ötən sentyabr ayının 25-də İraq hökuməti, region dövlətləri və beynəlxalq səviyyədə müxalifətə rəğmən sadəcə Barizaninin israrı əsasında keçirildi.