Livan prezidenti Mişel Oun ABŞ prezidenti Donald Trampın Beytül-Müqəddəsi sionist rejimin paytaxtı kimi tanımasını regionda sülh və sabitlik prosesi üçün ciddi təhdid adlandırıb.

ABŞ prezidenti Donald Tramp çərşənbə günü regional və beynəlxalq müxalifətlərə baxmayaraq, Beytül-Müqəddəsi sionist rejimin paytaxtı tanımaqla yanaşı, ABŞ səfirliyinin bu şəhərə köçürülməsi barədə göstəriş verib. 

İRNA-nın məlumatına görə, Livan prezidenti Mişel Oun Trampın bu qərarına reaksiya olaraq deyib: Trampın bu qərarı təhlükəli bir addımdır və fələstinlilərlə israillilər arasındakı sülh prosesini onlarla il öncəyə qaytarmış olacaq.