SAHAR

Sionist rejimin polis qüvvələri Qüdsün şimalında yerləşən Şəəfat qəsəbəsinin yaxınlığında atəş ilə bir fələstinli qadını yaralayıblar.

Sionist rejim polisi və ordusundan yüzlərlə nəfər atəş məkanına toplaşaraq, Şəəfat qəsəbəsinin əsas küçəsini bağlayıbdır.

Bu məlumata görə, sionist rejim polisinin sözçüsü iddia edib ki, bu fələstinli qadının sərhəd qvardiyası qüvvələrinin göstərişlərinə məhəl qoymamasından sonra onun ayaqlarına tərəf atəş açılıb.

Sionist Haarets qəzeti bundan öncə sionist hərbçilərin Fələstin xalqı ilə qeyri-insani rəftarı barədə bir təsvir yayaraq, etiraf etmişdi ki, bu hərbçilər heç bir dəlil olmadan Qüds şəhərində fələstinliləri hədəfə alıblar.

Sionist rejimin baş naziri Benyamin Netanyahu 2018-ci ilin aprelində fələstinli mülkilərin öldürülmələri və yaralandırılmalarını üzdəniraq "qətiyyətli müdafiə" adlandırdı və fələstinliləri qırdıqları üçün bu rejim hərbçilərinə təşəkkür etdi.