SAHAR

İsrail rejiminin bir ədəd hərbi helikopteri bu gün günortadan sonra Qəzzənin şərqində bir qrup fələstinlinin toplaşdığı məkana raket zərbələri endirib.

Fələstin informasiya mərkəzinin verdiyi məlumata görə, İsrail rejiminin Qəzzənin şərqinə olan hücumu zamanı 2 fələstinli gənc xəsarət alaraq, xəstəxanaya köçürülüb.

İsrail ordusu fələstinli gənclərin sionist sakinli qəsəbələrə tərəf yanıcı çərpələnglərin göndərilməsində iştirak etməsini bəhanə edərək, Qəzzənin müxtəlif məntəqələrinə hücumlar edir.

Fələstinlilərin "Qayıdış Haqqı" yürüşlərinə başladıqları zamandan sionist sakinli qəsəbələrə tərəf yanıcı çərpələnglər göndərmələri, fələstinlilərin sionistlərə qarşı mübarizə metodlarından birinə çevrilib.

Bu arada İsrail hərbçiləri Qəzzənin cənubuna hücum ediblər. İsrail hərbçiləri həmçinin, Qəzzə sahillərində fələstinli balıqçıların qayıqlarına atəş açıblar.

İsrail ordusu həmçinin,  4 ədəd buldozer və bir hərbi maşınla Qəzzənin cənubunda, Xan Yunis məntəqəsində yerləşən Əl-Qərarə qəsəbəsində fələstinlilərə aid ərazilərə hücum edərək, dağıntılar törədiblər.

İsrail rejimi fələstinlilərə təzyiq göstərmək və sionist qəsəbələri genişləndirmək məqsədilə Fələstinlilərin ərazilərini intensiv şəkildə işğal etməklə məşğuldur.