Misir Rəfəh keçidini bağladı
İyul 18, 2018 07:52 Asia/Baku
İsrail rejiminin Qəzzənin "Kərəm Əbusalim" keçidini bağlamasının ardınca Misir də Rəfəh keçidini bağlayıb.
Fars xəbər agentliyinin verdiyi məlumata görə, Misir çərşənbə axşamı Rəfəh sərhəd keçid məntəqəsini bağlayıb.
Misir bazar ertəsi günü Qəzzə zolağından gələn bir ədəd sərnişin avtobusunu texniki məsələlərlə əlaqədar geri qaytarmışdı.
Rəfəh keçidi İsrail rejiminin Kərəm Əbusalim keçidini bağlamasından cəmi bir neçə saat sonra bağlanılıb.
Misir rəsmiləri Rəfəh keçidini Ramazan ayında açmışdılar. Daha sonra keçidin fəaliyyətini uzatmışdılar.
Qəzzə sakinləri Rəfəh keçidinin davamlı olaraq açıq saxlanılmasını istəyir. Amma, İsrail rejimi öz nüfuzundan istifadə edərək, Misiri bu keçidi bağlamağa məcbur edir.
