Sionist rejimin sabiq müharibə naziri Qəzzə zolağında toqquşmalrın dayandırılmasından kəskin qəzəblənərək bu rejimin baş nazirini qınayıb.

Fələstin informasiya mərkəzinin verdiyi məlumata görə, sionist rejimin keçmiş müharibə naziri Ehud Barak bildirib ki, Benyamin Netanyahunun acizliyi tam bəllidir və indiyədək təhdidlərlə onun əməli tədbirləri arasında bu qədər fərq olmamışdır. 

Barak  Sionist rejim başçılarının 48 saat ərzində HƏMAS-ı məğlub etməyə qadir olduqlarını bildirdiklərinə toxunaraq deyib: Əməldə isə bu hərəkat qarşısında təslim oldular və Qəzzə zolağının ətraf ərazilərində yaşayan yəhudilərə laqeyd yanaşdılar. 

Fələstin müqavimətinin son əməliyyatının ilk nəticəsi sionist rejimin müharibə naziri Aviqdor Libermanın istefa verməsi oldu. 

Sionist rejimin Yəhud Evi Partiyası bildirib ki, müharibə naziri olmadan nazirlər kabinetinin fəaliyyəti davam etməyəcək.