Səudiyyə qırıcıları öz cinayətlərinin davamında Yəmənin şimalında yerləşən Əl-Cəvf vilayətindəki Əl-Ğil şəhərini bombalayıblar.

Yəmənin Əl-Məsirə informasiya kanalının verdiyi məlumata görə, təcavüzkar səudiyyə qüvvələri Yəmənin qərbində, Əl-Hudəydə vilayətinin 16-cı kilometr məntəqəsində yerləşən Əl-Hali şəhərini də atəşə tutublar.

Yəmən ordusu və xalq qüvvələrinin artilleriya bölməsi də təcavüzkarların cinayətlərinə cavab olaraq Ərəbistanın Cizan vilayətində yerləşən Əl-Həsirə məntəqəsində Səudiyyə h ərbçilərinin mövqelərini atəşə tutublar.

Yəməndəki təcavüzkar səudiyyə qüvvələri 21 dekabr 2018-ci ildə BMT-nin atəşkəsə nəzarət heyətinin Əl-Hudəydə şəhərinə daxil olmasına və Yəmənin önəmli limanlarında atəşkəslə bağlı 2451 saylı qətnaməyə rəğmən, öz cinayətlərini davam etdirirlər.

BMT-nin didərginlər üzrə konsulluğu bir hesabat yayaraq, bildirib: 400 nəfər vəba xəstəliyi 295 nəfər isə oxşar xəstəliklər üzündən 2018-ci ildə həyatını itirib.

Ərəbistanın Yəmənə olan hücumları nəticəsində bu ölkənin səhiyyə sisteminin çökməsi Yəməndə yolxucu xəstəliklərin sürətlə yayılmasına səbəb olub.