SAHAR

İsrail zindanlarındakı fələstinli əsirlərin "Kəramət savaşı 2" adlı aclıq aksiyası artıq 7 gündür ki, davam edir.

Fələstin İnformasiya Mərkəzinin bildirdiyinə görə, 400-dən çox fələstinli əsir bazar günündən başlayaraq, İsrail zindanlarındakı dözülməz şəraitə etiraz olaraq aclıq aksiyasına başlayıb. 

Yaxın günlərdə İsrail zindanlarındakı fələstinli əsirlərin daha bir qrupunun bu aclıq aksiyasına qoşulması qərara alınıb. 

İndiyə kimi aclıq aksiyasına başlayan fələstinli əsirlərdən bir neçəsi səhhətinin ağırlaşmasına görə, Suruka xəstəxanasına köçürülüb. 

Fələstinli Əsirlər Klubu İsrailin Zindanlar İdarəsi ilə müzakirələrin davam etdiyinə işarə edərək, bildirib: Fələstinli əsirlərin istəklərini qəbul etməsi üzrə Misirin İsrail rejiminə olan təzyiqləri də indiyə kimi nəticəsiz olub.