Səudiyyə rejimi Yəməndə öz müttəfiqlərinə hücum etdi
Yəmən mənbələri Səudiyyə rejiminin döyüş təyyarələrinin səhvən Yəmənin mərkəzində istefa verərək qaçmış xain eks-prezidenti Mənsur Hadinin rejimini dəstəkləyən qəbilələrin toplantısına hücum etdiyini bildirib.
SəhərAzəri Farsnews xəbər agentliyinə istinadən xəbər verir ki, hava hücumu, hələ də xain Hadi qüvvələrinin nəzarəti altında olan Məarib şəhərinin şimalındakı Rağvan bölgəsində baş verib, bir neçə nəfər ölüb və yaralanıb.
Hava hücumları 19 noyabr tarixində Yəmən mediasında Hadi rejiminin müdafiə naziri Məhəmməd Əl-Məqdaşinin Yeddinci Hərbi Dairədə müəyyənləşdirilməsinə çağırdığını göstərən sənəd yayımlamasından sonra baş verib. Bunlar Səudiyyə rejiminin koalisiyası sədaqətindən şübhələndiyi qəbilələr idi.
Bir müddət əvvəl Yeddinci Hərbi Dairə komandirlərinin iştirakı ilə Hadi rejiminin müdafiə naziri ilə bəzi qəbilələrin və birliklərin münaqişə bölgəsindən qaçmaq və Səna hökumətinə qoşulma istəklərini araşdırmaq üçün görüş keçirilmişdi.
Səudiyyə rejiminin koalisiyasına bağlı qəbilələrin və muzdlu qüvvələrin koalisiyanın döyüş təyyarələri tərəfindən hədəfə alınması ilk hal deyil.
Dünən (4 dekabr) səhər bəzi xəbər mənbələri Yəmənin Məarib vilayətindəki Səudiyyə rejiminin koalisiyasına məxsus Dadavin hərbi bazasında dəhşətli partlayışın baş verdiyini bildirmişdilər. Partlayışın qaynağı ilə bağlı hələlik açıqlama verilməyib.
