HƏMAS vurğulayıb:
“Biz Sionist rejimi qarşısında Suriyanın tərəfindəyik”
Fələstin İslami Müqavimət Hərəkatının (HƏMAS) liderlərindən olan Mahmud Əz-Zəhhar Sionist rejimə qarşı müqavimət mövqelərinin heç vaxt dəyişmədiyini qeyd edərək, Tel-Əvivlə qarşıdurmada Suriyanı dəstəklədiklərini bildirib.
SəhərAzəri Farsnews xəbər agentliyinə istinadən xəbər verir ki, Mahmud Əz-Zəhhar Əl-Məyadin şəbəkəsinə açıqlamasında, HƏMAS-ın işğalçı sionist rejimi qarşısında mövqeyini dəyişdirmək üçün heç bir təzyiqin olmadığını bildirib: "İndi lazım olan bu mərhələdən keçməkdir. Xüsusilə ərəb və beynəlxalq mövqelərdə baş verən bir çox dəyişiklikdən sonra".
HƏMAS-ın Fələstin milli birliyinin vacibliyi ilə əlaqədar tövsiyə və tələblərə müsbət reaksiyasını təqdir edib: "Müqavimətin gücü milli birlikdədir və bu birlik həm də Qərb Sahili, Qüds və Qəzzadakı vəziyyətin yaxşılaşdırılmasına kömək edir. Fələstin məsələsinə zərbə vurmaq bahasına uğursuz təcrübələri təkrarlamamalıyıq".
Əl-Zəhhar beynəlxalq geosiyasi dəyişikliklərdən danışarkən bunları deyib: "ABŞ-ın prezidenti Donald Tramp administrasiyasının Fələstin və Qərb Sahilinin ilhaq planına qarşı mövqeyi bəllidir və Fələstin Muxtariyyəti təzyiq altında susur.
Uğursuz təcrübələri Fələstin mübarizəsinə ziyan vurmaqla təkrarlamamalıyıq, istər ərəb, istərsə də xarici ölkələrin xarici tərəflərinin əmr və tələblərinə tabe olmamalıyıq.
Beynəlxalq mövqelərə təslim olmamalı və Fələstin cəmiyyətinin prinsiplərini pozmamalı və milli razılaşmanın uğur qazanması üçün fürsəti əldən verməməliyik".
HƏMAS rəsmisi son vaxtlar işğalçı rejimlə münasibətlərini normallaşdıran bəzi ölkələrin mövqelərinin əvvəlki mövqelərindən fərqli olduğunu qeyd edib: "Bizi həmişə dəstəkləyən və Fələstin məsələsində mövqeləri ümumiyyətlə dəyişməyən ölkələri, qrupları və şəxsləri dəstəkləməkdən imtina etməyəcəyik.
Livandakı Fələstin xalqı, Livan müqaviməti, İran və Suriya kimi, biz də sionist rejiminin düşməniyik və sionist rejiminin düşmənləri ilə güclərinin və imkanlarının imkan verdiyi çərçivədə və prinsiplərimizə zərər verməməsi üçün qəbul etdiyimiz çərçivədə yaxşı əlaqədə olmalıyıq.
Biz işğalçı sionist rejiminə qarşı Suriya ilə bir yerdəyik və hər kəsi, hətta sionist rejiminə qarşı olanı da dəstəkləyirik. Yəni sionist rejiminin düşmənləri ilə müttəfiqik və sionist rejimlə əməkdaşlıq edənlərdən uzağıq".
