SAHAR

İraqın Kərbəla vilayətinin valisi Kərbəla şəhəri merini terror edən amilin yaxalanmasından xəbər verib.

SəhərAzəri-nin məlumatına əsasən, Kərbəla valisi bu gün bildirib ki, Ubeyr Səlimi terror edən şəxs təhlükəsizlik qüvvələri tərəfindən saxlanılıb.

Müqəddəs Kərbəla şəhərinin bələdiyyə başçısı dünən bələdiyyə işçilərindən iki nəfərlə yanaşı, şəhərin Əlmuəllimçi məhəlləsinə baş çəkərkən naməlum şəxslər tərəfindən atəşə tutulub və Kərbəlada yerləşən İmam Hüseyn(ə) xəstəxanasına köçürüldükdən sonra yaralarının ağırlığı üzündən vəfat edib.

Kərbəla şəhəri merinin terrorundan sonra Kərbəla vilayətində üç gün ümumi matəm elan olunub.