Ekrəmə Səbri: Ərəblər Qətərdə normallaşmanın uğursuzluğunu sübut etdilər
Əl-Əqsa məscidinin xətibi Qətər Dünya Kuboku zamanı ərəb və islam xalqlarının mövqelərinin normallaşmanın uğursuzluğunu sübut etdiyini vurğulayıb.
SəhərAzəri-nin məlumatına əsasən, Əl-Əqsa məscidinin xətibi Şeyx Ekrəmə Səbri cümə namazı xütbəsi zamanı deyib: "Bu yarışlarda müsəlmanlar normallaşma ilə bağlı düzgün mövqelərini açıqladılar. Ərəb və İslam xalqları Qətərdə dünya çempionatının oyunlarını izləyərkən, Fələstinə, Qüds və Əl-Əqsa məscidinə sevgi və məhəbbətlərini nümayiş etdirdilər".
Ərəb və müsəlman azarkeşlər Dünya Çempionatı matçlarını izləyərkən, bir dəfədən çox Fələstin bayrağını qaldırmaqla yanaşı, İsrail kanallarına müsahibə verməkdən imtina etdilər.
Dörd ərəb ölkəsi olan Birləşmiş Ərəb Əmirlikləri, Bəhreyn, Sudan və Məğrib ABŞ-ın təzyiqi və vasitəçiliyi ilə və sionist rejimin fələstinlilərə qarşı törətdiyi cinayətlərə məhəl qoymadan, 2020-ci ildə sionist rejimlə münasibətlərini normallaşdırıblar.
