Hersoq: Bizi udub, məhv edəcək daxili münaqişənin astanasındayıq
Sionist rejimin başçısı işğal olunmuş ərazilərdə sionistlər arasında daxili münaqişənin formalaşması ilə bağlı xəbərdarlıq edərək, deyib: "Bu münaqişə bizi udub, məhv edə bilər".
SəhərAzəri-nin məlumatına əsasən, İshaq Hersoq, İsrail rejiminin siyasi fikir ayrılıqları və cəmiyyətin müxtəlif qrupları arasında parçalanma səbəbindən işğal olunmuş ərazilərdə vəziyyəti partlada biləcək, daxili münaqişəyə girmə astanasında olduğunu bildirib.
Hersoq bütün tərəfləri və siyasi partiyaları fikir ayrılıqlarına son qoyacaq geniş razılaşmalar əldə etməyə çalışmağa çağırıb.
O, həmçinin deyib: "Mən İsrailin quruluşuna, ictimai-siyasi asayişə fikir verirəm. Mən düşərgələrin cəbhə boyu hərtərəfli qarşıdurmaya hazır olduğunu görürəm. Mən narahatam ki, biz daxili münaqişə astanasındayıq və bu bizi uda bilər".
Hersoq daha sonra əlavə edib: "İsrail səksən yaşına çatmalıdır, daha birləşmiş və daha az parçalanmış şəkildə. Biz fikir ayrılıqları ilə qorxmadan məşğul olanda, hökumət orqanları arasında mübahisəni necə idarə edəcəyimizi bilməliyik".
"Benyamin Netanyahunun" sionist rejimin baş naziri vəzifəsinə başlaması ilə işğal olunmuş ərazilərdə etiraz atəşi alovlanıb və hər yerdən etirazlar gəlir, baxmayaraq ki, bu etirazlar Netanyahunun siyasi arenada yeni varlığından əvvəl də mövcud idi, lakin indi daha da alovlanıb.
