Beynəlxalq Müsəlman Alimlər Birliyi (İUMS) oktyabrın 31-də fətva verərək, ərəb və müsəlman dövlətləri 25 gündür İsrailin mühasirəsi və intensiv hücumları altında olan Qəzzə xalqını soyqırımından və tamamilə məhv olmaqdan xilas etmək üçün təcili müdaxilə etməyə çağırıb.

Birliyin İctihad və Fətva Komitəsi “Sionistlərin Qəzzəyə hücumu ilə bağlı İslam hökumətlərinin vəzifəsi ilə bağlı fətva” başlığı altında bəyanat yayıb.

Fətvada deyilir:

Hökumətlərin və rəsmi orduların Qəzzəni soyqırımdan və tamamilə məhv olmaqdan xilas etmək üçün təcili müdaxiləsi dini borclarıdır. Onlar Fələstini dini, siyasi, hüquqi və mənəvi cəhətdən, habelə beynəlxalq müqavilələrə, regionun və millətin strateji maraqlarına uyğun dəstəkləməlidirlər”.

Fətvada, həmçinin Fələstinlə qonşu olan Misir, İordaniya, Suriya və Livan başda olmaqla bütün ərəb və müsəlman ölkələrinə işarə ilə vurğulanır:  “Hərbi müdaxilə və Fələstin administrasiyasını və bütün müqavimət qruplarını hərbi texnika və təcrübə ilə təmin etmək məcburi dini öhdəlikdir”.

Fətvada Qərbin İsrailə hərtərəfli hərbi, maliyyə, media, diplomatik və strateji dəstəyinə işarə edilərək, ərəb və müsəlman ölkələrindən Fələstinə də eyni dəstəyi vermələri istənilir.