Türkiyənin maliyyə naziri Ağ Evin Ankaraya qarşı təzyiqləri və iqtisadi sanksiyaları ilə mübarizə üçün Fransa ilə razılaşmadan xəbər verib.

Türkiyənin maliyyə naziri Berat Albayrak Parisdə fransalı həmkarı Bruno Le Mer ilə birgə mətbuat konfransında deyib: Paris və Ankara qərara alıblar ki, Türkiyəyə tuşlanmış hərəkətlər qarşısında müştərək addımlar atsınlar.

"ABŞ dolları etibardan düşübdür" deyən Berat Albayrak əlavə edib: Türkiyə və Fransa Ümumdünya Ticarət Təşkilatı çərçivəsində də müştərək şəkildə hərəkət edəcəklər.

Ağ Evin Ankaraya qarşı sanksiyalarının siyasi məqsədlər güddüyünü nəzərə çarpdıran Türkiyənin maliyyə naziri qeyd edibdir ki, Amerikanın hərəkətləri həmin ölkənin təcriddə qalmasına səbəb olubdur.