Türkiyə mediyaları Yurt qəzetinin əməkdaşının polis tərəfində saxlanılmasından xəbər veriblər.

Türkiyədə çıxan Hürriyyət və Birgün qəzetləri yazıblar ki, Hakan Gülsevənin Yurt qəzetində dərc olunmuş reportajı Adana prokuroru tərəfindən cinayət əməli hesab olunub və o hökumət rəsmilərini təhqir ittihamı ilə saxlanılıb. 

Türkiyə mediyaları sözü gedən reportajın təfərrüatına toxunmayıblar. 

2016-cı il uğursuz dövlət çevrilişindən sonra Türkiyədə 150-dən çox jurnalist həbs edilib, onlarla mediyanın fəaliyyəti dayandırılıb.