SAHAR

Türkiyənin İranla ticarət əlaqələri şurasının həmsədri iki ölkə arasında siyasi-iqtisadi əlaqələrin genişlənməsi və milli valyuta ilə ticarət barədə razılığın əldə olunmasının ardınca iki ölkə arasında ticarət əməliyyatlarının həyata keçirilməsi üçün müştərək bankın təsis edilməsini təklif edib.

İRNA-nın verdiyi məlumata görə, Ümid Kilər İran, Türkiyə və Rusiya arasında son Tehran sammitindəki müzakirələrə toxunaraq müştərək bankın yaradılmasının İran-Türkiyə əlaqələrinin təkmilləşdirici halqası olduğunu bildirib və deyib: Bu iclasın kənarında İranın mərkəzi bankının başçısı da üç ölkə arasında ticarət mübadilələrinin milli valyuta ilə həyata keçirilməsinə təkid etdi. 

Kilər türkiyəli investor, iş adamları , ixracatçı və idxalatçılarının müştərək bankın təsis edilməsi və İran ilə Türkiyə arasında milli valyutadan istifadə edilməsi təklifini müsbət qarşılamalarından xəbər verib.