Qaşıqçının nişanlısı od püskürdü
"Ərəbistan vəliəhdinin cinayətinin üstündən pərdə çəkilir"
Qətlə yetirilmiş səudiyyəli jurnalistin nişanlısı bəyan edib ki, Səudiyyə vəliəhdinin vaxtaşırı başqa ölkələrə səfəri onun cinayətinin üzərinə pərdə çəkə bilməz.
SəhərAzəri-nin məlumatına əsasən, səudiyyəli jurnalist Camal Qaşıqçının nişanlısı Səudiyyə vəliəhdinin Türkiyəyə səfərinin onun qatil olması faktını dəyişdirmədiyini söyləyib.
Məhəmməd bin Salmanın Türkiyəyə səfərinə reaksiya verən Xədicə Çingiz çərşənbə günü deyib ki, Səudiyyə vəliəhdinin başqa ölkələrə səfər etdiyi üçün əldə etdiyi siyasi legitimlik onun qatil olması həqiqətini dəyişmir.
Vaşinqton Postun qətlə yetirilmiş jurnalistinin nişanlısının Twitter mesajında deyilir: "Onun ölkəmizə səfəri qətlə görə məsuliyyət daşıması faktını dəyişmir. Onun hər gün başqa ölkələrə səfərləri ilə qazandığı siyasi legitimlik, qatil olması həqiqətini dəyişdirmir. Camal artıq tək mənim hekayəm deyil, ədalət uğrunda mübarizə tək mənə aid deyil, hər bir azad və düşüncəli insanın mübarizəsidir və heç bir diplomatik münasibət bu ədalətsizliyi qanuniləşdirə bilməz."
Qeyd edək ki, Bin Salman Misirə regional səfərinə çərşənbə axşamı başlayıb və o, çərşənbə günü Ankarada Türkiyə prezidenti ilə görüşüb. Bu, Səudiyyə vəliəhdinin Qaşıqçının öldürülməsindən sonra Fars Körfəzindən kənara ilk səfəridir. Səudiyyə vəliəhdinin qatı tənqidçisi Camal Qaşıqçı 2018-ci ilin oktyabrında Bin Salmanın göstərişi ilə Səudiyyə Ərəbistanının İstanbuldakı konsulluğunda öldürülüb və cəsədi doğranılaraq yoxa çıxıb.
