SAHAR

İran İslam Respublikası Xarici İşlər Nazirliyinin sözçüsü dünən gecə Həssan Diabın baş nazirliyi ilə Livanda yeni hökumətin yaradılması münasibətilə bu ölkənin xalqı və hökumətini təbrik edib.

Seyyed Əbbas Mousəvi livanlı qrupların bir-birilərilə məşvərətlərindən və razılıq əldə etmələrindən məmnunluq ifadə edərək, deyib ki, hazırkı regional və beynəlxalq şəraitdə və Livan xalqının istəyinə əsasən, bu ölkədə yeni hökumətin təşkili irəliyə doğru və bu ölkə problemlərinin həlli istiqamətində atılan addımdır.

Mousəvi ümidvarlıq edibdir ki, Livanın yeni hökuməti işğal, zorakılıq, hegemonçuluq sistemi qarşısında müqavimət daxil olmaqla böyük iftixarlara malik olan bu ölkə xalqının tələblərini yerinə yetirə biləcək.

İran İslam Respublikası Xarici İşlər Nazirliyinin sözçüsü əlavə edib: İran ümid edir ki, xalqın istəyi əsasında formalaşmış Livanın yeni hökuməti milli birliyin möhkəmlənməsi sayəsində bütün problemlərə üstün gələcək və özünün Livanın hərtərəfli inkişafı, həmçinin təhlükəsizlik və rifahın yaradılması üzrə proqramlarını həyata keçirə biləcək.

Mousəvi İranın Livanın yeni hökumətini hərtərəfli şəkildə himayə etdiyini bildirib və İran İslam Respublikasının iki ölkə əlaqələrini daha da genişləndirməyə hazır olduğunu vurğulayıb.

Həssan Diabın baş nazirliyi ilə Livanın yeni nazirlər kabineti ötən çərşənbə axşamı günü gecə rəsmən iyirmi nazirlə təşkil edildi.

Livanın Səəd Əlhəririnin baş naziri olduğu sabiq nazirlər kabineti 2019-cu il il oktyabrın 29-da bu ölkə xalqının anti-hökumət aksiyalarının on üçüncü günündə istefa verdi.

Livan xalqı oktyarbın 17-dən bu ölkəyə hakim kəsilmiş geniş korrupsiyaya və iqtisadi böhrana etiraz olaraq, geniş aksiya keçirməyə başladı.

Həssan Diab bu ölkənin yeni nazirlər kabinetinin təşkil olunmasından sonra keçirdiyi mətbuat konfransında bildirib ki, Livan öz tarixinin həssas mərhələsindədir. O, deyib ki, onun hökumətinin nazirləri xalqın tələbələrinin xeyrinə işləyəcək və çalışacaqlar ki, aksiyaçıların tələblərini təmin etmiş olsunlar.