İran Daxili İşlər Nazirliyinin Seçki Qərargahının sözçüsü İran İslam Şurası Məclisinə 11-ci çağırış seçkilərinin nəticələrinin bəzi seçki dairələrində qətiləşdiyini bildirib.

Seyyed Esmail Mousəvi bu gün müxbirlər qarşısında deyib: 208 seçki dairəsindən 82 seçki dairəsinin nümayəndələrinin adları qəti şəkildə müəyyənləşibdir.

Mousəvi bildirib ki, iri şəhərlərin nəticələri maksimum bazar gününədək elan olunacaq. O, sonra deyib: Bu günün sonunadək əksər seçki dairələrində yekunlaşdırma aparılaraq, nəticələr elan ediləcəkdir.