İran və 5+1 qrupunün Vyanada, Kuborq otelində 4 saat davam edən ekspertlər iclası başa çatıb.

İranın nüvə müzakirə heyətinin üzvü, ekspertlər qrupunun sədri Həmid Bəidinejad Vyanada İRİB müxbirinə verdiyi eksklüziv müsahibədə deyib: Yekun anlaşma sənədinə əlavələrin ilkin mətninin hazırlanması prosesi bəzi irəliləyişlərə malik olub.
İran və 5+1 qrupu arasında cərəyan edən nüvə müzakirələrinin 5-ci turu çərşənbə günü ekspertlər səviyyəsində davam edib. Bu müzakirələrdə məqsəd yekun nüvə anlaşması sənədinin hazırlanması olub. Bu gün Vyanada Kuborq otelində başlanan müzakirələr günortadan sonra başa çatıb.