SAHAR

İranın Atom Enerjisi üzrə Beynəlxalq Agentlikdəki səfiri və nümayəndəsi İranın nüvə fəaliyyətlərinin hərbi olması ehtimalına dair bəzi iddia və ittihamları əsassız adlandırıb.

Səhər Beynəlxalq Televiziyasının məlumatına görə, İranın AEBA-dakı nümayəndəsi Rza Nəcəfi agentliyin Direktorlar Şurasının İran barəsindəki iclası sona çatdıqdan sonra deyib: İran İslam Respublikası "İranın nüvə proqramının hərbi olması ehtimalının cəhətləri" adı altında irəli sürülən əsassız ittihamları rəsmən tanımır.
İranın AEBA-dakı səfiri əlavə edib: İslam Respublikası müxtəlif iclaslarda, o cümlədən agentliklə keçirdiyi iclaslarda İranın nüvə fəaliyyətlərinin hərbi olmasına dair iddialar barəsindəki sənədlərin saxta olduğunu dəfələrlə bildirmişdir.
İranın sülhməramlı nüvə fəaliyyətlərinə qarşı Amerikada casusluq təşkilatlarının sənədlər hazırlaması, o cümlədən İranın qərbində yerləşən Mərivanda qadağan olunmuş fəaliyyətlər iddiasına toxunan Nəcəfi deyib: Tehran dəfələrlə bildirib ki, agentlik müfəttişlərini bölgəyə aparmağa və istədikləri məkanı görmələrinə şərait yaratmağa hazırdır. Lakin agentlik heç bir cavab verməmişdir.
İranın Atom Enerjisi üzrə Beynəlxalq Agentlikdəki səfiri bildirib: Agentliyin bu təklifi müsbət qarşılamaması göstərdi ki, agentliyə verilən məlumatlar yanlışdır.
Nəcəfi həmçinin İran və 5+1 Qrupunun nüvə müzakirələri barədə deyib: İranın qənaətincə, tərəflərin siyasi iradəsi davam edərsə və onlar anlaşılan parametrlərə sadiq qalarlarsa, iyun ayının sonuna qədər yekun anlaşma reallaşa bilər.