SAHAR

İranın Atom Enerjisi Təşkilatının sözçüsü Atom Enerjisi üzrə Beynəlxalq Agentliyin 5 nəfərlik heyətinin Tehrana daxil olduğunu bildirib.

Səhər Beynəlxalq Televiziyasının məlumatına görə, İranın Atom Enerjisi Təşkilatının sözçüsü Behruz Kamalvəndi deyib: AEBA heyətinin Tehran səfəri agentliyin baş direktoru Yukiya Amanonun son Tehran səfərindən əldə olunan anlaşmaların detalları barəsində müzakirə istiqamətində baş tutur.
Atom Enerjisi Təşkilatının sözçüsü həmçinin əlavə edib: AEBA-nın heyətində baş katibin iki xüsusi köməkçisi vardır. Onlar bir günlük səfər çərçivəsində İranın Atom Enerjisi Təşkilatı və Ali Milli Təhlükəsizlik Şurasının rəsmilərti ilə görüşərək danışıqlar aparacaqlar.
İran və Altılığın nüvə müzakirələrinin keçirilməsi ilə yanaşı Atom Enerjisi üzrə Beynəlxalq Agentliyin baş direktoru Yukiya Amano ötən cümə axşamı günü İranın Ali Milli Təhlükəsizlik Şurasının katibinin dəvəti ilə Tehrana səfər etdi və İranın yüksək səviyyəli rəsmiləri ilə görüşlər keçirərək danışıqlar apardı.