SAHAR

Sepah-ın Quru Qoşunlarının İranın cənub-şərqində keçirilən Böyük Peyğəmbər(s.ə.s) manevrinin birinci mərhələsi uğurla başa çatıb.

İRİB-nin verdiyi məlumata görə, manevrin birinci mərhələsində helikopterlərdən istifadə edilərək, kəşfiyyat əməliyyatı həyata keçirilib. Çərşənbə axşmaı İranın Sistan və Bəluçestan əyalətində keçirilən Böyük Peyğəmbər(s.ə.s) manevrinin birinci mərhələsində həmçinin "Sabirin" xüsusi əməliyyat qüvvələri tərəfindən girovların azad edilməsi əməliyyatı həyata keçirilib. Bu əməliyyat snayperlərin dəstəyi ilə yanaşı olub.

Böyük Peyğəmbər(s.ə.s) manevrinin sözçüsü general-mayor Məhəmməd Maraninin dediyinə görə, məntəqənin müdafiə və təhlükəsizlik infrastrukturlarının möhkəmləndirilməsi, Sepah ilə xalq arasındakı əlaqənin genişləndirilməsi, ölkənin cənub-şərq sakinlərinə diqqət və qayğının artırılması Böyük Peyğəmbər(s.ə.s) manevrinin əsas hədəflərindən olub.

General-mayor Marani təhlükəsizliyin təmin edilməsində yerli sakinlərin də iştirak etməsini bu manevrin digər hədəflərindən adlandırıb.

Onun dediyinə görə manevrin birinci mərhələsində xalq qüvvələri və bəsic qüvvələri habelə, məntəqədə olan bütün silahlı bölmələr iştirak ediblər.