SAHAR

İranın xarici işlər naziri deyib ki, regiondakı bəzi ölkələr öz legitimlikləri və həyatlarını Amerikanın himayə çətrindən asılılıqda görürlər.

İranın xarici işlər naziri Məhəmməd Cavad Zərif şənbə günü Nyu-Yorkda Amerikada yaşayan bir qrup iranlı ilə görüşdə deyib: Səudlar kimi regiondakı bəzi ölkələr Amerikanın dəstəyini itirməmək üçün dəridən-qabıqdan çıxır və daim amerikalılarla lobbiçilik edirlər.

İranın diplomatiya aparatının başçısı vurğulayıb: Səudlar kimilərin öz təhlükəsizliklərini təmin etmək üçün öz xalqlarına deyil, xaricilərə ehtiyacları var və bu, onlarla İran arasındakı fərqdir.

Zərif İran İslam Respublikasındakı təhlükəsizliyi xatırladaraq,deyib: Dünyanın ona təsir göstərəcək ekstremizmdən, çaxnaşmadan və Yaxın Şərq məntəqəsindən nigaran olduğu bir halda, İran tam təhlükəsizlikdədir.

İranın xarici işlər naziri söyləyib: İran xalqı heç bir təzyiq və təhdidə baş əymədi; bunun dəlili bu olubdur ki, İran xalqının özü təhlükəsizlik deməkdir və İranın təhlükəsizliyi də daxildən yaranmadır.

IRIB-nin məlumatına görə, İranın xarici işlər naziri söhbətinin digər bir hissəsində deyib: Sanksiya xalqın məişətini xətərə salır, amma bu, İran xalqını öz amalları və inanclarından ayıra bilməz.

Zərif söyləyib: Özünəinam və ümidlə daha yaxşı gələcək üçün çalışmalıyıq və digər ölkələrdə məskunlaşmış iranlılar da bəlkə müxtəlif əqidələrə malik olmuş-olsalar da İranın başıucalığı üçün səy göstərməlidirlər.