Mirsad və Ya Zəhra 3 raket sistemləri uğurla sınaqdan keçirilib
-
Mirsad və Ya Zəhra 3 raket sistemləri uğurla sınaqdan keçirilib
Vilayət 7 Səma Müdafiəçiləri hərbi təlimlərinin 2-ci günündə "Mirsad" və "Ya Zəhra 3" raket sistemləri uğurla sınaqdan keçirilib.
Vilayət 7 Səma Müdafiəçiləri hərbi təlimlərinin sözçüsü mayor Abbas Fərəc Purələmdari çərşənbə axşamı günü deyib: Bu hərbi təlimlərin ikinci etapında öncədən təyin olunan proqramların icrası çərçivəsində, İranın cənub bölgələrində həssas məkan və obyektlərə uçan aparatların hücumu zərərsizləşdirilib və iran ordusunun Xatəmul-Ənbiya (s.ə.s) Havadan Müdafiə Qərargahı tərəfindən və az yüksəklik üzrə raket sistemləri ilə həmin aparatlar məhv edilib.
Mayor Fərəc Purələmdari əlavə edib: "Mirsad" və "Ya Zəhra 3" yerli raket sistemləri izləmə və kəşf əməliyyatını həyata keçirərək fərz olunan düşmənin təyyarələrini atəşə tutublar.
Vilayət 7 Səma Müdafiəçiləri hərbi təlimlərinin sözçüsü bildirib: Müşahidə radiusunun artırılması, hədəfin məhv edilməsində yüksək diqqət, yeni elektronika və sistem dəyişiklikləri ilə Mirsad və Ya Zəhra 3 raket sistemləri Vilayət 7 Səma Müdafiəçiləri hərbi təlimlərində İran silahlı qüvvələrinin mütəxəssisləri tərəfindən qiymətləndirilib.
İran İslam Respublikası ordusu və İslam İnqilabı Keşikçilər Korpusunun müştərək hərbi təlimləri Vilayət 7 Səma Müdafiəçiləri adı ilə bazar ertəsi günü İranın cənub və cənub-qərb bölgələrində başlayıb. Bu hərbi təlimlər 5 gün davam edəcək.
