SAHAR

İranda prezident seçkiləri namizədlərinin 3-cü və sonuncu tele-debatı bu gün Tehran vaxtı ilə saat 16:30-da İranın Teleradio Təşkilatında baş tutacaq.

Həsən Ruhani, İbrahim Rəisi Sadat, Mustafa Ağamirsəlim, Məhəmməd Baqer Qalibaf, Mustafa Haşemitəba və İshaq Cahangiri İran İslam Respublikası prezidentliyinə 6 namizəddir. Onlar sonuncu tele-debat zamanı iqtisadiyyat mövzusu ilə bağlı öz proqramlarını açıqlayacaqlar. 

İranda 12-ci prezident seçkiləri namizədlərinin ilk tele-debatı 28 Apreldə baş tutmuşdu. 1-ci tele-debatın mövzusu ictimai məsələlər olmuşdu. 

Siyasət və mədəniyyət mövzusunda olan 2-ci tele-debat 5 May tarixində keçirilmişdi. 

İranda 12-ci prezident seçkiləri 19 May 2017-ci ildə keçiriləcək.