SAHAR

İran İslam Respublikasının banisi Həzrət İmam Xomeyninin (rə) vəfatının 28-ci ildönümü mərasimi İslam İnqilabının Böyük Rəhbəri tərəfindən Qum vilayətində Həzrət Məsumənin (s.ə) pak hərəmində keçirilib.

İRNA-nın məlumatına görə, İslam İnqilabının Böyük Rəhbərinin ofisinin rəhbəri Höccətülislam vəlmüslimi Məhəmmədi Qolpayqani, Həzrət Məsumənin (s.ə) pak ziyarətgahının rəhbəri Ayətullah Səid Məhəmməd Səidi, İslam Məzhəblərini Yaxınlaşdırma Beynəlxalq Assambleyasının baş katibi Ayətullah Möhsün Əraki, bir qrup ordu və ölkə rəsmisi, həmçinin müxtəlif xalq kütlələri bu mərasimdə iştirak ediblər. 

Bu mərasimdə Tehranın cümə namazının xətibi və Rəhbərlik Xobrəqan Məclisinin rəyasət heyətinin üzvü Ayətullah Seyid Əhməd Xatəmi İmam Xomeyninin əxlaqi səciyyələri və şəxsiyyəti, onun baxışınca islam quruluşunun parametrləri haqda çıxış edib. 

Bu gün 14 xordad 1396-cı günəş ili, 9 Ramazan 1438-ci hicri qəməri ili və 4 iyun 2017-ci milad ili İran İslam Respublikasının banisi Həzrət İmam Xomeyninin (rə) vəfatının 28-ci ildönümüdür.

Bununla əlaqədar onun pak məqbərəsində hər il İran və dünyanın müxtəlif ölkələrindən vətəndaşların geniş iştirakı və İslam İnqilabının Böyük Rəhbərinin çıxışı ilə xüsusi vəfat mərasimi keçirilir.