İran xarici işlər naziri çərşənbə günü Tehranda törədilən terror aktlarını demokratiyanın mərkəzinə hücum adlandırıb.

İRNA-nın verdiyi məlumata görə, Məhəmməd Cavad Zərif cümə axşamı səhər saatlarında öz Tvitter səhifəsində paylaşdığı  yazıda "despot"ların demokratiyaya nifrət etdiklərinə işarə edib: "Onların muzdluları despotların ən çox nifrət etdiyi demokratiyanın mərkəzinə hücum ediblər".

Zərif terrorizmi himayə edən despotların savaşı İranın daxilinə sövq etdirəcəkləri barədəki təhdidlərinə işarə edib və deyib: "Onların muzdluları, ağalarının ən çox nifrət etdikləri yerə, yəni, demokratiyanın mərkəzinə hücum edirlər".