SAHAR

İran İslam Respublikasının vitse-prezidenti Tehranın xarici siyasətində Hanoyun önəmli mövqeyə malik olduğunu bildirib: İran Vyetnamla əlaqələr və əməkdaşlıqların yüksəldilməsinə heç bir məhdudiyyət görmür.

İRNA-nın məlumatına görə, İshaq Cahangiri şənbə günü Vyetnamın kənd təsərrüfatı və kənd inkişafı üzrə nazirini qəbul edib.

İki ölkənin yüksək səviyyəli rəsmilərinin ikitərəfli münasibətlərin inkişafı qarşısında duran maneələrin aradan qaldırılması istiqamətində gediş-gəlişlərini önəmli qiymətləndirən prezident müavinin sözlərinə görə, bu səfərlər İran və Vyetnamın münasibətlərinin inkişafında dönüş nöqtəsi ola bilər.