SAHAR

İran İslam Respublikası müdafiə və silahlı qüvvələrə locestik dəstək naziri deyib: İran müqavimət məhvərini daha güclü şəkildə himayə edəcək.

General Mayor Əmir Hatəmi bu gün Əl-Aləm telekanalı ilə müsahibəsində müqavimətin İran İslam Respublikası mədəniyyətində olduğunu bildirərək deyib: İran xalqı islam inqilabı dövründə və 8 illik müdafiə dövründəki müqaviməti ilə nəticə əldə etdi. 

İranın müdafiə naziri müqavimətin dünyanın zalım qüvvələri və zülmkarlıqla qarşılaşmaq demək olduğunu bildirərək deyib: İİR daima dünya məzlumlarına kömək edəcək. 

Əmir Hatəmi İran İslam Respublikasının İraq və Suriya dövlətlərinə terrorçularla mübarizə üçün hərbi məsləhətlər verməsinə toxunaraq deyib: İİR-nin İraq və Suriyaya dəstəyi olmasaydı bu gün terrorizm və destabillik bütün regionu gürümüşdü. 

İranın müdafiə naziri İranın müdafiə gücünün artırılmasının başçılıq etdiyi nazirlik üçün prioritet təşkil etdiyini vurğulayaraq deyib: Müdafiə Nazirliyi İranın raket potensialının gücləndirilməsi üçün xüsusi proqrama malikdir. 

Əmir Hatəmi deyib: Düşmənlər daima İranın müdafiə gücünü xüsusiylə raket qabiliyyətini zəiflətmək istəyir amma heç vaxt buna nail olmayacaqlar. 

Əmir Hatəmi deyib: İran İslam Respublikası raket gücünü artırmaqdan əlavə strateji hava gücünü də artıracaq.

İranın müdafiə naziri İranın silah-sursat sənayesi, həmçinin qonşu ölkələrə silah ixracatı sahələrindəki qabiliyyətləri barədə deyib: Qərb ölkələri iqtisadi-siyasi mənafe əldə etmək və ölkələri asılı vəziyyətə salmaq məqsədi ilə onlara silah satırlar amma İranın silah ixracatına baxışı müharibə və toqquşmanın qarşısını almağa kömək etməkdən ibarətdir.