İran İslam Respublikasının xarici işlər naziri ABŞ prezidentinin İran və nüvə anlaşmasına qarşı sözlərini "içiboş" adlandırıb və deyib: İttiham, təhdid və hörmətsizlik etmək ilə iranlıları qorxutmaq mümkün deyil.

İRNA-nın məlumatına görə, İran İslam Respublikasının xarici işlər naziri Məhəmməd Cavad Zərif cümə axşamı öz şəxsi Tvitter hesabında paylaşdığı yazıda deyib: Hamı yaxşı bilir ki, ABŞ prezidenti Donald Trampın dostluğu ən yüksək qiymət təklif edən tərəflərə satışla bağlıdır. 

Zərif daha sonra deyib: ABŞ prezidenti Donald Trampın İranla bağlı "içiboş" sözlərinin tərəfdarlarının Fars Körfəzindəki "Demokratiya Səngərləri" (Ərəbistan, BƏƏ və Bəhreyn) olması da təəccüblü sayılmır. 

İran xarici işlər naziri həmçinin yazıb: Sonda Tramp da öz sələfləri kimi İran xalqına qarşı təhdid və ittihamların faydasız olduğunu və İran xalqını qorxuda bilməyəcəyini dərk etmiş olacaq.