İran-Rusiya təhlükəsizlik əməkdaşlıqlarının gücləndirilməsi vurğulanıb
İran İslam Şurası Məclisinin sədri terrorizm ilə mübarizədə İran-Rusiya təhlükəsizlik əməkdaşlıqlarının gücləndirilməsini istəyib.
İran İslam Şurası Məclisinin sədri Əli Laricani çərşənbə günü İstanbulda keçirilən Asiya Parlamentləri Assambleyasının 10-cu sessiyasının kənarında Rusiya parlamentinin vitse-spikeri Mixail Emilianov ilə görüşdə terrorizmin hələ bitməmiş olduğunu bildirərək deyib: Yeni macəralar baş verə bilər və bu istiqamətdə İran və Rusiya arasındakı təhlükəsizlik əməkdaşlıqlarının gücləndirilməsi zərurət daşıyır.
İran və Rusiyanın müxtəlif sahələrdəki əlaqələrinə toxunan Laricani deyib: Parlament əlaqələrinin genişləndirilməsi iqtisadi əməkdaşlıqların artmasına səbəb olacaq.
O, əlavə edib: İran İslam Şurası Məclisi Rusiya ilə ticarət əlaqələrini inkişaf etdirmək ardıncadır və bu sahədə Rusiya Federasiyasına və Dumasına da təkliflər veribdir.
Rusiya parlamentinin vitse-spikeri də Moskvanın Tehranla əməkdaşlıq zəminində Suriyada terrorizmin kökünü kəsməyə qərarlı olduğunu söyləyib.
"Regionun sabitliyini pozmaq və İran və Rusiyanın maraqlarını təhlükə altına almaq istəyənlər yalnız Amerika rəsmiləridirlər" - deyə, Emilianov əlavə edib.
Rusiya parlamentinin vitse-spikeri həmçinin Rusiya ilə İran arasında ticari və iqtisadi əməkdaşlıqların genişləndirilməsini vurğulayaraq deyib: Qarşıda duran maneələrə baxmayaraq, ikitərəfli əməkdaşlıqlar xüsusilə nüvə sahəsində genişlənməkdədir.
